حنا معازيب القصايد واهلها >> محمد جارالله >>لناصر الفراعنه ..

السلام عليكم ورحمة الله وبركاته
قصيده محمد جارالله السهلي
بمناسبة حفل دعم شاعر مضر
ناصر بن محمد بن فارس الفراعنه
/
/
/
يا نجـد شوفـك عيـد وزيارتـك عيـد
مـن بـد بلـدان الخلـيـج ودولـهـا
وفيافـي العـارض تحلـيـك وتـزيـد
غـلاك عـنـد محـدثـك لا وصلـهـا
قولـي لهـا عنـي يـا دار الاجـاويـد
لاهـب غريبيـهـا وداعــب نفلـهـا
لا تحسبنـي فـدار اخـو مريـم بعـيـد
واهـي هنـا بيـن المحانـي باهلـهـا
انــا سلـيـل معتقيـيـن المصافـيـد
اللـي حـووّا فيـك الإمـام وشملـهـا
تـوافـدوا للبيـعـه ابــلا مواعـيـد
قبـل يراسلهـا لفـت لــه رسلـهـا
مـن منطلـق ديـن وقناعـه وتوحيـد
نفوسهـم كانـت علـى العـود ولـهـا
مـا بايـعـوا بحـصـار ولاّ بتهـديـد
الله علـى فـطـره سليـمـه جبلـهـا
كـنـا ولا زلـنـا الـدهـاه الاوالـيـد
قـوم اصطفاهـا ذو الجـلال وجعلـهـا
يمنـى معـزيّ لا صفـق حيـد ٍ بحيـد
دون الألـف والـلام ولــلام والـهـا
أفعالنـا تشـفـي كـبـود المضاهـيـد
لـو مـا أنخلقنـا ماوجـد مـن فعلهـا
وفـطاعـة آل سعـود صـم الجلاميـد
نسـاوي قممـهـا بــوادي سهلـهـا
وفـطاعـة آل سعـود جراهـد البـيـد
تنبـت فخـر مـن دمـنـا لا غسلـهـا
وفـطاعـة آل سعـود روس المقاريـد
نجتثـهـا قــدام تــدرك اجـلـهـا
حكامنـا والـنـا الفـخـر والتماجـيـد
ان فعلنـا السـم الـذحـاح لزعلـهـا
وحنـا لهـم فعـل وقصايـد واناشـيـد
واهـم لنـا معنـى الحـيـاه وأملـهـا
وفـشاعـر المليـون نهـايـة المـيـد
لرضاهـم حصـان العـوامـر كفلـهـا
الشاهـق المطنـوخ سقـم الحواسـيـد
فكـره يعريّـهـا ويكـشـف جهلـهـا
فيـا اللـي تـزّود فالسواليـف وتعـيـد
دعـايـة الصنـوبـري مــن قبلـهـا
بدعـه ولا يذكـر ورى المبتـدع فـيـد
واغبى مـن اللـي قالهـا مـن نقلهـا
نقـد ٍ بـلا معنـى حصيـلـه مناقـيـد
مـا يقنـع الا روس جـوفـا وبلـهـا
وان كـان تبغـى راي وافـي وتأكـيـد
لا جيـت عـقّـال الرياجـيـل سلـهـا
والله مـا تبـحـل ولا يمـكـن تحـيـد
بتقـول مــال الحمـلـه إلا جملـهـا
والحملـه اللـي بركّـت كـل صنـديـد
فرعونـا ( نـاصـر) يـقـوم بدبلـهـا
شاعر علـم : حنكـه وجـرأه وتجديـد
ينـزل قفـار ٍ مـاحـد ٍ قــد نزلـهـا
فكـر وشعـر ناهـي وراهـي مواريـد
وان مالـت الدنـيـا بفعـلـه عدلـهـا
فرقه عـن اقارنـه ومـن غيـر تعقيـد
قصـه ابشرحهـا وابـضـرب مثلـهـا
مطامـع الشعّـار فـي نـدّر الصـيـد
تحثهـم علـى السعـي فـي سبلـهـا
تقنـص لهـا بسهومـهـا والبـواريـد
وهـذا رمـى هــذي وهــذا نبلـهـا
متزاحميـن وصيدهـم دايــم زهـيـد
والنـادره تـشـرد ولا احــد ٍ قتلـهـا
ومن خلفهم ( ناصر ) على حصان ابو زيد
واليـا شـرد منهـن عصيّـه ختلـهـا
ولا هـي غريبـه يـا حفيـد الاماجيـد
لا شقـت مـن عيـا عليهـا خجلـهـا
الكايـده بنـت الفخـر قبـلـة الغـيـد
طرقـا ً زهـى منظـر جسـدهـا حللها
وانّـا معـك دعـم ومواقـف وتأيـيـد
حتـى يبيّـن جـدهـا مــن هزلـهـا
وان شحـت فيـاض الزمـن بالعناقيـد
عــادي يكفيـنـا جنيـنـا نخـلـهـا
وخلاصـة الموضـوع والشـي الاكيـد
جمله و مـن قبلـي (فـلاح) ارتجلهـا
مـن غيـر قاصـر فالرجـال الصناديـد
(حنـا معازيـب القصـايـد واهلـهـا )

وسلااااااااااااااااااااااامتكم king

صح لسانج ولسان شاعرها
ويعطيج العافية ع القصيدة

صح بدنتس يالغاليه..

يعافيتس ويخليتس بعد تسبدي >> يعافيج ويخليج بعد جبدي لووول

نورتي الموضوع

» لمحبين محمد جار الله السهلي حيااكم الله > اصعب سؤال؟ <